پلاتفۆرمی سۆشیال میدیا ئینستاگرام ڕێگەیەکی نوێی بۆ دروستکەرانی ڕێکلام داناوە بۆ پەیوەندیکردن لەگەڵ براندەکانی ڕیکلام، ئەمەش ڕێگەیان پێدەدات پارە وەربگرن لەکاتی بڵاوکردنەوەی ڕیکلامەکان.
ماڵپەڕی TechCrunch کە تایبەتمەندە لە بابەتەکانی تەکنەلۆجیا، ئاماژەی بەوە کردووە کە “Meta Platforms، ئەو کۆمپانیایە کە خاوەنی پلاتفۆرمەکەیە، بەشی “بینراوەکان” ی زیادکردووە ، کە ڕێگە دەدات لە ڕێگەی بۆچوونی ئەرێنی خاوەنی بڵاوکراوەکە داهات بەدەستبهێنێت، ئەمەش بە نووسینی کۆمێنت لەسەر پۆست و ڕیکلامەکانی براندەکان کە لە پلاتفۆرمی سۆشیال میدیادا بڵاوی دەکەنەوە.
ئێستا زۆرێک لە براندەکان ئامرازی پارەدارکردن بەکاردەهێنن یان کڕیاران هان دەدەن بۆ نووسینی کۆمێنتی ئەرێنی لەسەر بڵاوکراوەکانیان.
بۆ کەسێک کە بەدوای بەرهەمێکی نوێدا دەگەڕێت، دەکرێت قورس بێت بزانێت کێ کڕیارێکە کە بەڕاستی عاشقی بەرهەمەکە بێت و کێ ڕەنگە ساختە بێت لە بەشی کۆمێنتەکاندا.
زیادکردنی ڕێگایەک بۆ ئەوەی دروستکەری ناوەڕۆک خۆیان وەک پرۆمۆتەرێکی پارەدار پیشان بدەن دەتوانێت وابکات براندەکان ئەو بڵاوکراوانە و ئەوکەسەی بڵاویکردۆتەوە بەکاربهێنن بۆ بڵاوکردنەوەی بەرهەمەکانیان، و لەوڕێگەیەشەوە خاوەنی بڵاوکراوەکە دەتوانێت داهات بەدەستبهێنیت.
مەرجی بەکارهێنانی ئەمشێوازە ئەوەیە بەرهەمهێنەران یان ئەوانەی ناوەڕۆکەکە یان ڕیکلامەکە بڵاودەکەنەوە دەبێت ناوەکانیان لە پشت یان لەسەر ئەو بەرهەمانەی کە پێشکەش دەکرێن بنووسرێت، ئەمەش بۆ زیادبوونی متمانەی براند و بەکارهێنەرانە بەیەکەوە.
مێتا ئاماژەی بەوەشکردووە، “لەسەدا 40ـی بەکارهێنەرانی ئینستاگرام وتوویانە کە لەکاتی بازاڕکردن لەسەر پلاتفۆرمەکەدا لەژێر کاریگەری پێشنیارەکانی ئەو کۆمێنتانەن کەلەسەر بەرهەمەکە نووسراوە.
