قائیمقامییەتی قەزای كۆیە ئاشكرای دەكات، بە سەرپەرشتی لیژنەی سووتەمەنی قائیمقامیەتی كۆیە، دابەشكردنی نەوتی سپی دەستپێدەكات.
تارق حەیدەری، قائیمقامی كۆیە بۆ میدیای فەرمی قائیمقامیەتەكەی ڕایگەیاند، ئەو نەوتەی لەلایەن حكومەتی عێراقەوە بۆ هەرێمی كرودستان دابین كراوە بەشی هەموو هاووڵاتیانی نەكردووە و تەنها لە ناوچە ساردەكان دابەش دەكرێت.
ڕاشیگەیاند، هەردوو بەنزینخانەی ئازادی و دەربەند لە كۆیە دیاری كراون بۆ بەڕێوەچوونی پڕۆسەی دابەشكردنی نەوتەكە و هاووڵاتیان لە سبەینێوە دەتوانن سەردانی ئەو بەنزینخانانە بكەن.
ئاشكراشی كرد، هەر خێزانێك بڕی 100 لیتر (نیو بەرمیل) نەوتی بە بڕی 30 هەزار دینار پێ دەدرێت و دەبێت هاووڵاتیی كۆبۆنی خۆراك و كۆپییەكی لەگەڵ خۆی ببات بۆ وەرگرتنی بڕە نەوتەكە.
