هەولێر و بەغداد لەسەر هەناردەکردنەوەی نەوتی هەرێمی کوردستان ڕێککەوتن.
شاندی دانوستانکاری حکومەتی هەرێمی کوردستان ڕایگەیاند، ئەمڕۆ یەکشەممە، دوای پەیوەندی و هەماهەنگی نێوان هەردوو وەزارەتی نەوتی فیدراڵی و وەزارەتی سامانە سروشتییەکانی حکوومەتی هەرێمی کوردستان، ڕێککەوتن لەسەر دەستپێکردنەوەی هەناردەی نەوتی هەرێم بەپێی بڕی بەردەست، کرا.
ئەوەشی خستەڕوو کە تیمێکی تەکنیکیی هاوبەش بەمەبەستی پشکنینی بۆرییەکانی هەناردەکردنی نەوتی کوردستان لەنێوان هەردوولادا پێک هێنراوە.
ڕاشیگەیاند، پابەندبوونی خۆمان بە جێبەجێکردنی بڕگەکانی یاسای بودجەی گشتیی فیدراڵی دووپات دەکەینەوە.
بە پێی لێدوانێکی پێشووی حەیان عەبدولغەنی، وەزیری نەوتی عێراق دەبێت لەم هەفتەیەدا دەست بە هەناردەکردنەوەی نەوتی هەرێمی کوردستان بکرێت.
