بڕی بارانبارینی 24 کاتژمێری ڕابردووی سلێمانی ئاشکرا کرا

بەڕێوەبەرایەتیی ئاوی سلێمانی بڕی بارانبارینی 24 کاتژمێری ڕابردووی بڵاویکردەوە و ڕاشیگەیاند، کۆی گشتی بارانبارین لە شاری سلێمانی گەیشتووەتە 287.2 ملیمەتر.

ئەمرۆ یەکشەممە، بەڕێوەبەرایەتیی ئاوی سلێمانی بڵاویکردەوە: بڕی بارانبارین تەنها لە 24 کاتژمێری رابردوودا 7.2 ملیمەتر بووە و تا ئێستاش بڕی 287.2 ملیمەتر باران لە شاری سلێمانیدا باریوە.

ئەمە لەکاتێکدایە، شەپۆلێکی بەفر و سەرما سەنتەری پارێزگای سلێمانی و دەوروبەری گرتووەتەوە، ئەمەش دوای ئەوەی بەڕێوەبەرایەتیی کەشناسیی هەرێم رایگەیاندبوو، شەپۆلێکی بەفر و باران هەرێمی کوردستان دەگرێتەوە و بۆ ماوەی چەند رۆژێک بەردەوامدەبێت.

پەیوەنیدر