کۆمەڵەی پێشەسازی نەوت لە کوردستان ڕایگەیاند، ئامادەن بۆ دەستپێکردنەوەی هەناردەی نەوتی هەرێمی کوردستان، بە مەرجێک گرێبەستی کارکردنیان لەبەرچاو بگیرێت.
بەپێی راگەیەندراوەکەی ئەپیکۆر، تیایدا هاتووە: کۆمپانیاکانمان ئامادەن دەست بکەنەوە بە هەناردەکردنەوەی نەوتی هەرێمی کوردستان بۆ تورکیا بەڵام بەمەرجێک، گرێبەستی کارکردنیان لەبەرچاو بگیرێت.
باسی لەوەشکردووە: وەک چەندین جار رامانگەیاندووە، کۆمپانیاکانی ئەندامی ئەپیکور ئامادەن بۆ دەستپێکردنەوەی هەناردەکردنی نەوت لە ڕێگەی بۆری عێراق-تورکیاوە، دوای گەیشتن بە ڕێککەوتنێک پارێزگاری مەرجەكانی گرێبەست و بازرگانی و ئابووری ئێستای کۆمپانیاكان بكات.
دەشڵێت: ئێمە بەدوای ڕێککەوتنی فرۆشتن و نوسراودا دەگەڕێین لەگەڵ حکومەتی عێراق و حکومەتی هەرێمی کوردستان، کە شەفافیەت و گەرەنتی پارەدان دابین بکات بەبێ دەستوەردانی سیاسی.
ئەوەشی وتووە: کۆمپانیاکانی ئەندامی ئەپیکور بەردەوام دەبن لەسەر کارکردن لەگەڵ هەموو لایەنە پەیوەندیدارەکان، بۆ دەستەبەرکردنی چارەسەرێکی خێرا و سودبەخش بۆ هەردوولا.
“ئێمە هاوڕاین لەگەڵ لێدوانەکەی سەرۆکوەزیرانی عێراق لە 22ی شوباتدا، کە خێراکردنی هەناردەکردنی نەوت لە ڕێگەی بۆری عێراق-تورکیاوە عێراق بەهێز دەکات، و پێداویستییەکانی هاووڵاتیانی دابین دەکات”و ئەپیکور وادەڵێت.
