جێگری سەرۆك وەزیرانی هەرێمی كوردستان ڕایدەگەیەنێت، سەرجەم كێشەكانی لیستی مووچە چارەسەر كراون و دەشڵێت: بۆ تەوتینی مووچە بەردەوامین.
قوباد تاڵەبانی، جێگری سەرۆك وەزیرانی هەرێمی كوردستان لە پەراوێزی پانێڵی پێكەوەژیانی ئاشتییانەی پێكهاتەكان لە سلێمانی بۆ ڕۆژنامەنووسان ڕایگەیاند، هیچ بیانوویەكیان لەبەردەم ناردنی شایستە داراییەكان نەهێشتووە و سەرجەم كێشەكانی لیستی مووچە چارەسەر كراون.
ڕاشیگەیاند، بەردەوامین بۆ ئەوەی پڕۆسەی تەوتین هەبێت لە پێدانی مووچەدا و كاتی بانگەشەی هەڵبژاردنیش ئەوە دروشمی ئێمە بووە.
وتیشی، “لەلایەن حكومەتی هەرێمی كوردستان و حكومەتی فیدراڵەوە، ئیرادەیەكی بەهێز بۆ چارەسەری كێشەكان هەیە و گفتوگۆكان جدین، هەم سیاسین هەمیش تەكنیكین”.
ئاماژەی بەوەشكرد، لەلایەن حكومەتی هەرێمی كوردستانەوە هیچ بیانوویەكیان لەبەردەم ناردنی شایستە داراییەكان نەهێشتووە.
