بەهای تمەنی ئێرانی و دۆلاری ئەمریكی بەرامبەر بە دیناری عێراقی بەشێوەیەكی بەرچاو دابەزینیان تۆماركرد.
ڕەوەند میرزا لە بازاڕی دۆلارەكەی سلێمانی بۆ (خەڵك) ڕایگەیاند، ئێوارەی ئەمڕۆ شەممە لەكاتی داخستنی بازاڕی ئاڵوگۆڕی دراوەكاندا بەهای دۆلار و تمەن دابەزیون.
ڕاشیگەیاند، “بەهای 100 دۆلار دابەزیوە بۆ 149 هەزار و 600 دینار” لەكاتێكدا ماوەی چەندین مانگ بوو لەسەروو 150 هەزار دینار بوو.
ئاشكراشی كرد، بەهای تمەنی ئێرانی دابەزیوە و 100 دۆلار بە 9 ملیۆن و 200 هەزار تمەن مامەڵەی پێوەدەكرێت.
