هاتووچۆی هەرێم گۆڕانکاری لە نوێکردنەوە و دەرهێنانی مۆڵەتی شۆفێری دەکات و دەڵێت”لەماڵەوە و لەڕێگەی لینکێکەوە سەرجەم ڕێککارەکان تەواو بکەن”.
هاتووچۆی هەرێمی کوردستان، ئەمڕۆ شەممە 22ـی شوباتی 2025 بڵاویکردەوە، سیستمی دەرهێنان و نوێکردنەوەی مۆڵەتی شۆفێری گۆڕانکاری تێدا دەکرێت و کاریئاسانی تەواو بۆ هاووڵاتیان دەکرێت تاوەکو کەمتیری کات لە بەڕێوەبەرایەتییەکان بەسەر ببەن.
هاوکات بەڕێوەبەرایەتی هاتووچۆی سلێمانی بەشی مۆڵەت، ڕایگەیاند، پاڵپشت بە پۆرتاڵی حکومەتی هەرێمی کوردستان و هەماهەنگ بە بڕیار و رێکارەکانی وەزارەتی ناوخۆ بۆ زیاتر کارئاسانی و باشترکردنی مامەڵەی هاوڵاتیان بژاردەیەکی تری بۆ شۆفێران خستە روو، و ئێستا شۆفێران دەتوانن لەرێگەی لینکێکی پۆرتاڵی حکومەتی هەرێمی کوردستان ـــ وەبە فری پەیوەست بە مامەڵەی دەرهێنان یاخود نوێکردنەوەی مۆڵەت ( گشتی ـ تایبەت ) لە ماڵەکەی خۆی یاخود لە شوێنی کارەکەی داواکاری دەرهێنان یاخود نوێکردنەوەی مۆڵەتی شۆفێری بکات لە رێگەی لینکەوە کەداڕێژراوە بەو زانیاریانەی داوادەکرێت بۆ نوێکردنەوەو دەرهێنانی مۆڵەتی شۆفێری .
ئاماژە بەوەشدراوە، زۆر بەخێرای دەتوانرێت لەگەڵی جۆین ببیت لە رێگەی ( مۆبایل ـ ئایپاد ـ کۆمپیتەر ) بە زمانی کوردی و بەشێوەیەکی سادە و ساکار زانیارییە کەسییەکانی پەیوەست بە دەرهێنان و نوێکردنەوەی مۆڵەتی شۆفێری پڕ بکرێتەوە و بنێردرێتەوە بۆ بەشی مۆڵەتی بەڕێوەبەرایەتی هاتووچۆی سلێمانی.
هاتووچۆی سلێمانی دەشڵێت، بەم رێگایە شۆفێر هەنگاوێکی باشتر کارەکانی دەچێتە پێش و خۆی رزگار دەکات لە سەرە ونۆرە گرتنی ناو بینایی بەڕێوەبەرایەتی هاتووچۆ چونکە ئەم قۆناغەی کارەکانی لە ماڵەوە بڕیووە .
