لە کۆبوونەوەی نێوان محەمەد شیاع سودانی، سەرۆک وەزیرانی عێراق و نێچیرڤان بارزانی، سەرۆکی هەرێم، سودانی داوای کردووە کۆمپانیا نەوتییەکانی هەرێم پەلە بکەن لە بەرهەمهێنانی نەوت بۆ ئەوەی هەناردەی بکەنەوە.
بەپێی ڕاگەیەندراوی نووسینگەی سودانی لەبارەی كۆبوونەوەی لەگەڵ نێچیرڤان بارزانی، ئاماژەی بەوەداوە، سەرۆك وەزیرانی عێراق جەختی كرد لەسەر گرنگیی بەردەوامبوون لەسەر جێبەجێكردنی رێككەوتنە هاوبەشەكان، بەتایبەتیش لەبەر رۆشنایی پەسەندكردنی دوایین هەمواری یاسای بودجە لە ئەنجومەنی نوێنەرانەوە.
سودانی جەختیكرد لەسەر پەلەكردنی كۆمپانیاكانی نەوت لە هەرێمی كوردستان بۆ بەرهەمهێنانی نەوت و دووبارە هەناردەكردنەوەی لە ڕێگەی بەندەری جەیهانی توركیاوە.
ئەمڕۆ نێچیرڤان بارزانی، سەرۆکی هەرێمی کوردستان بۆ بەشداریکردن لە حەوتەمین گفتوگۆی بەغداد، گەیشتە بەغداد و لەگەڵ محەمەد شیاع سودا، سەرۆک وەزیرانی عێراق کۆبووەوە.
