کەشناسی: بەفرو باران بەردەوام دەبێت و پلەکانی گەرما نزم دەبنەوە

کەشناسی هەرێم ڕایگەیاند، ئەمڕۆ ئاسمان ساماڵ و پەڵەهەور دەبێت، لە ڕۆژهەڵاتی هەرێم بەفرو بارانبارین بەردەوامی دەبێت و پلەکانی گەرما نزم دەبنەوە.

بەپێی ڕاپۆرتی کەشناسی هەرێم، ئەمڕۆ شەممە، ئاسمان بەگشتى ساماڵ و پەڵە هەور دەبێت، لە ڕۆژهەڵاتى هەرێم هەورى تەواو دەبێت لەگەڵ بارینى بەفرو بارانێکى کەم، لەگەڵ هەندێ لە ناوچە شاخاوییە سنوریەکان، لە کاتەکانى شەودا دەگۆرێت بۆ هەورى تەواو.

دەشڵێت: پلەکانی گەرما نزم دەبێتەوە بە یەک بۆ سێ پلەى سیلیزى بەراورد بە تۆمارکراوەکانی دوێنێ.

لە بارەی کەشوهەوای سبەینێ یەکشەممەک کەشناسی هەرێم دەڵێت: ئاسمان هەورى تەواو دەبێت، لەگەڵ بارینی بەفر لە زۆربەى ناوچە بەرزەکانى رۆژهەڵات و باکوورى رۆژهەڵاتى هەرێم بەشێوەى پچڕ پچڕ، بەفر بارین سەنتەرى پارێزگاى سلێمانى و هەڵەبجە دەگرێتەوە، بارینى بەفرێکى کەم لەسەنتەرى پارێزگاى هەولێرو کەرکوک.

لەبارەی پلەکانی گەرماوە دەڵێت؛ پلەکانی گەرما نزم دەبێتەوە بە دوو بۆ چوار پلەى سیلیزى لە تۆمارکراوەکانی ئەمڕۆ وەک لە خوارەوە ئاماژەیان پێدراوە.

بەرزترین پلەکانی گەرمای پێشبینیکراو بە پلەی سیلیزی:

هەولێر: 6 پلەی سیلیزی

سلێمانی: 2 پلەی سیلیزی

دهۆک: 4 پلەی سیلیزی

زاخۆ : 5 پلەی سیلیزی

هەڵەبجە: 3 پلەی سیلیزی

کەرکوک: 7پلەی سیلیزی

گەرمیان: 7 پلەی سیلیزی