قوباد تاڵەبانى، جێگرى سەرۆک وەزیرانى هەرێم لە پانێڵێکدا لە سلێمانى ڕایگەیاند، لیستى مووچە ناڕێک بوو، ڕێکمان خست و بەپێى بایۆمەترى ناردمان، کێشە هەبوو لە ناو و پێکهاتەى بەڕێوەبەرایەتیەکان بەراورد بە بەغداد،
گونجاندمان. کارمان کرد بۆ رێکخستنى لیستى مووچە بەپێى ئەو سیستمەى لە بەغداد هەیە و ڕەوانەمان کرد.
وتیشى: وەک دەزانن مەلەسەى هەناردەى نەوت، بە چەند شێوەیەک یەکلابووەتەوە، بەوەش ئەو کێشە و بیانووانەى هەبوون، نەماون.
جێگرى سەرۆک وەزیرانی هەرێم باسى لەوەشکرد، ئەو لیستەى مانگى یەک کە نێردرا پەسەندکراوە و رێککەوتن کراوە کە بۆ هەموو ساڵەکە ئەو بڕە پارەیە تەمویل بکرێت.
دەشڵێت: “کێشە جەوهەرییەکان کە پەیوەندییان بە مووچە و بودجەوە هەبوو بۆ ئەم ماوەیە چارەسەر بوون”.
