حەوتەم گفتوگۆی عێراق لە شاری بەغداد دەستی بەکارەکانی کرد و محەمەد شیاع سودانی، سەرۆک وەزیرانی عێراق و نێچیرڤان بارزانی، سەرۆکی هەرێمی کوردستان وتەیان پێشکەش کرد.
محەمەد شیاع سودانی، سەرۆک وەزیرانی عێراق ڕایگەیاند: توانیمان عێراق بپارێزین لەوەی سەر بە هیچ جەمسەرێک بێت.
وتیشی: هەوڵمانداوە ببینە کارەکتەری سەقامگیری لە ناوچەکە.
لای خۆیەوە نێچیرڤان بارزانی، سەرۆکی هەرێمی کوردستان ڕایگەیاند: سەقامگیری عێراق بە سەقامگیری خۆمان دادەنێین.
وتیشی: سەرەڕای ئاڵنگارییەکان، بە هەوڵی هەموان عێراق دەتوانێت بەرەو پێشەوە بچێت.
ئەوەشی خستەڕوو: عێراق دەرفەتێکی باشی لەپێشە ببێتە ناوەندێکی گرنگی بازرگانی.
باسی لەوەشکرد: عێراق پێویستی بەوە هەیە سەقامگیرتر بێت.
