کۆمپانیای ئەپڵ، خستنەبازاڕی “iPhone 16e”ی ڕاگەیاند، کە وەشانێکی نوێیە لە زنجیرەی “iPhone 16” بە نرخێکی کەمتر لە وەشانەکانی دیکە.
کۆمپانیاکە ڕایدەگەیەنێت، مۆبایلە نوێیەکە چەندین تایبەتمەندیی پێشکەوتووی تێدایە کە لە مۆدێلە گرانبەهاکاندا دەبینرێن، لەوانەش تواناکانی زیرەکیی دەستکردی ئەپڵ.
کەین درانس، جێگری بەڕێوەبەر بۆ بەبازاڕکردنی بەرهەمەکانی ئایفۆن باسی لەوەکرد، “ئایفۆن 16e تێکەڵەیەکی لەو تایبەتمەندییانە تیادایە کە خەڵک لەبارەی ئایفۆن 16ـوە بەدڵیانە، وەک باشیی تەمەنی پاتری (شەحن)، کارایی خێرا کە بە نوێترین چیپی A18 کاردەکات، لەگەڵ سیستمێکی کامێرای پێشکەوتوو”.
بڕیارە لە 28ی ئەم مانگەوە، ئایفۆن 16e بە فەرمی لە بازاڕەکاندا بەردەستبێت.
