یەکگرتووی ئیسلامی ڕایدەگەیەنێت بە مافی خۆیان دەزانن ڕێکاریی یاسایی لە دژی سەرۆکی پارتی سۆسیال دیموکراتی کوردستان بگرنەبەر لە بەرامبەر تۆمەتبارکردن و تەشهیرپێکردنیان.
سەڵاحەدین بابەکر، وتەبێژی یەکگرتووی ئیسلامی کوردستان ڕایگەیاند، “بەداخەوە کاکە حەمە تۆمەتێکی خستوەتە پاڵمان، تۆمەت بەخشینەوە و ناوزراندن پیشەی کەسانی شکستخواردووە و زۆریشمان بیستووە و بە شیاوی وەڵاممان نەزانیوە، بەڵام پێمان ناخۆشە ئەو بەرێزە بچێتە ئەو ئاستە”.
سەڵاحەدین بابەکر ڕاشیگەیاند کە لە وەڵامی لێدوانەکەی محەمەد حاجی مەحمود، سەرۆکی پارتی سۆسیال دیموکراتی کوردساتندا “دەڵێین، ئەوە تۆمەتە و تەشهیرە و مافی خۆمانە رەدی بدەینەوە و رێکاری یاساییش بگرینە بەر بۆ گێرانەوەی مافی خۆمان”.
وتیشی: “حەقوایە لایەنی پەیوەندیداریش کەحکومەتە هەڵوێستی خۆی روونبکاتەوە و راستییەکە دەر بخات”.
ئەم لاردانەوەیە دوای ئەوە هات کە محەمەد حاجی مەحمود ڕایگەیاند، حزبە ئیسلامییەکان پارە لە حکومەتی هەرێم وەردەگرن.
