سەدان ماڵ و شوێن لە سلێمانی دەستبەرداری کارەبای نیشتیمانی بوون

سەدان ماڵ و شوێن لە سلێمانی دەستبەرداری کارەبای نیشتیمانی بوون خۆیان بەرهەمی دەهێنن.

وەزارەتی کارەبای هەرێمی کوردستان ڕایگەیاند، زیاتر لە 500 ماڵ و شوێنکار لە سلێمانی سیستمی سۆلاریان داناوە و لە وزەی خۆرەوە کارەبا بەرهەم دەهێنن.

وەزارەتی کارەبای هەرێمی کوردستان ڕایگەیاند، 510 بەشداربووی کارەبا لە سلێمانی سیستمی “بەرهەمهێنانی کارەبا لە وزەی خۆر”یان داناوە و نزیکەی 18 مێگاوات کارەبا بەرهەم دێنن.

ڕوونیشیکردووەتەوە کە ئێستا 435 ماڵ و 75 شوێنی بازرگانی، پیشەسازی، کشتوکاڵی و میری پشت بە وزەی خۆر دەبەستن بۆ بەرهەمهێنانی کارەبا.