وتەبێژی سەرۆکایەتی ڕووسیا هەڵوێستی وڵاتەکەی لەبارەی شەڕی ئۆکراینا ڕاگەیاند و دەڵێت” هاوڕاین لەگەڵ هەڵوێستی ئیدارەی دۆناڵد ترەمپ”.
دیمیتری پێسکۆڤ، وتەبێژی سەرۆکایەتی ڕووسیا سەبارەت بە کۆتاییهێنان بە ململانێ لەگەڵ ئۆکرایندا لە کۆنگرەیەکی ڕۆژنامەوانیدا ڕایگەیاند، هاوڕاین لەگەڵ هەڵوێستی ئیدارەی دۆناڵد ترەمپ، سەبارەت بە پێویستی بەخێرایی کۆتاییهێنان بە ململانێکان لەگەڵ ئۆکراینا.
ئاماژەی بەوەشکردووە، ئۆکراین باس لە پێویستی بەرقەرارکردنی ئاشتی دەکان بە زوترین کات و ئەنجامدانی ئەو کارە لە ڕێگەی دانوستانەوە، ئێمەش تێبینیمان کردووە ئەم هەڵوێستە بۆ ئێمە لەبارترە لە هەڵوێستی ئیدارەی پێشووی ئەمریکا.
دەشڵێت، ڕووسیا و ئەمریکا ڕێککەوتوون لەسەر دەستپێکردنەوەی گفتوگۆ لەسەر هەموو لایەنەكان، ڕێبازی ئیدارەی ترەمپ سەبارەت بە پێویستی هێنانەدی ئاشتی بۆ ئۆکراین لە ڕێگەی دانوستانەوە لەلایەن مۆسکۆوە پێشوازییەکی باشی لێدەکرێت.
باسی لەوەشکرد، ناردنی هێزی سەربازی لە وڵاتانی ناتۆوە بۆ ئۆکراین جێگای نیگەرانییە و هەموو لێدوانەکانیش بە وردی چاودێری دەکرێن.
