وەزارەتی ناوخۆ بڵاوبوونەوەی چەند دەنگۆیەک ڕەتدەکاتەوە و دەڵێت”ڕێوشوێنەکان وەک خۆیانن”.
ئەمڕۆ پێنج شەممە، وەزارەتی ناوخۆی هەرێم ڕایەگەیاند، گەشتیاران دەتوانن وەکو چۆن لە ڕابردوودا فیزەیان وەردەگرت، بەهەمان شێوە لە رێگەی بەکارهێنانی پۆرتاڵی سەردان www.visit.gov.krd یان داواکاری تایبەت داوای فیزەی کوردستان بکەن، و هاووڵاتیانی وڵاتانی لیستی A وەکو جاران دەتوانن لە کاتی گەیشتن لە فرۆکەخانە و دەروازە نێودەوڵەتیەکان فیزە وەربگرن.
ئەمە لە کاتێکدایە، چەند ڕۆژێکە چەند دەنگۆکەیەک لە تۆڕەکۆمەڵایەتیەکان بڵاوبووبوویەوە کە گوایە رێوشوێنەکانی وەرگرتنی فیزە دەگۆڕدرێت، وەزارەتی ناوخۆش دەڵێت” ئەو دەنگۆیانە دوورن لە راستی و هیچ بنەمایەکیان نیە”.
