وەزیری داریی عێراق بە نووسراوێک داوای لیستی مووچە و داهاتی نەوت و نانەوتی لە هەرێمی کوردستان دەکات.
ئەمڕۆ پێنجشەممە، سۆران عومەر، ئەندامی لیژنەی ئابووری ئەنجومەنی نوێنەران نووسراوێکی تەیف سامی، وەزیری دارایی عێراقی بڵاوکردەوە کە پشت بەست بە نووسراوێکی نووسینگەی سەرۆک وەزیران داوای کردووە لەگەڵ لیستی مووچەی مانگی شوباتی ٢٠٢٥ و مانگەکانی دیکەدا بەپەلە ژمارەی بانکیی فەرمانبەران بنێرێت بۆئەوەی بە پێی ڕێکارەکانی دادگای فیدراڵی تەوتین بکرێن.
سۆران عومەر ڕاشیگەیاند، جگە لەوەش وەزیری دارایی عێراق داوای داهاتی ناوخۆی هەرێمی کوردستان دەکات و ڕازی نیە بەو ٥١ ملیار دینارەی کە بۆ مانگی (١) هەرێم وەک داهاتی ناوخۆ گەڕاندیەوە بۆ دارایی عێراق.
لە خاڵی کۆتایی نووسراوەکەدا، وەزارەتی دارایی عێراق داوای داهاتی نەوت دەکات بخرێتە سەر ئەو هەژمارەی وەزارەتی دارایی عێراق لەبانکی ناوەندی کردویەتیەوە.
