داواکاری گشتی هۆشداری دەداتە مامۆستایانی ئایینی لە واژۆکردنی هاوسەرگیری نایاسایی و مارەکردنی منداڵان.
بە پێی نووسراوێک کە فەرمانگەی داواکاری گشتی دهۆک ئاڕاستەی بەڕێوەبەرایەتی ئەوقافی بەردەڕەشی کردووە، بەدواداچوونیان بۆ چەندین هاوسەرگیری کردووە لە شارۆچکەی بەردەڕەش کە بە سەرپێچی یاسایی لەلایەن زانایانی ئایینییەوە واژۆ کراوە و گرێبەستی هاوسەرگیریش بۆ منداڵی تەمەن 11 و 12 ساڵ کراوە.
لە نووسراوەکەدا هاتووە کە ئەو کارانە پێچەوانەی یاسان و لە ئەگەری دووبارەبوونەوەیاندا ئەو مامۆستا ئایینییانە ڕووبەڕووی سزای یاسایی دەکرێنەوە.
