پارێزگاری سلێمانی جەختی لە بەردەوامبوونی هەڵمەتی دەستگیرکردنی ئەو تیکتۆکچییانە کردەوە کە لە ڤیدیۆ و لایڤەکانیاندا قسەی نەشیاو دەکەن.
ئەمڕۆ پێنجشەممە، د. هەڤاڵ ئەبوبەکر، پارێزگاری سلێمانی ڕایگەیاند، داواکاری گشتی و هێزە ئەمنییەکان بڕیارێکی ڕاستیان دا سەبارەت بە دەستگیرکردنی تیکتۆکچییەکان و “ئێمە وەکو حکومەتی خۆجێیی پشتگیرییان دەکەین”.
داواشی کرد هەڵمەتەکە بەردەوام بێت بۆ ئەوەی پەیوەندیی و سەقامگیری و گشتی و ئارامی دەروونی نەشێوێنرێت و دەستگیرکراوەکانیش ببنە وانەیەک بۆ کەسانی دیکە.
پارێزگاری سلێمانی ڕاشیگەیاند، هاووڵاتییان مافی خۆیانە سکاڵا لەسەر ئەو کەسانە تۆمار بکەن کە لە تۆڕە کۆمەڵایەتییەکاندا سووکایەتییان پێ دەکرێت.
