دەزگای ئاسایشی هەرێم، دەستگیرکردنی دوو تیرۆیستی داعشی لە دەوروبەری سلێمانی ڕاگەیاند.
ئەمشەو دەزگای ئاسایشی هەرێم ڕایگەیاندم بەرێوەبەرایەتی گشتی ئۆپراسیۆنەکانی ئاسایش، لە دوو ئۆپەراسیۆنی سەرکەوتوودا توانییان دوو تیرۆریستی داعش لە دەوروبەری سلێمانی دەستگیربکەن.
لە ڕاگەیەندراوەکەدا هاتووە، “لەماوەی ١٢ تا ١٦ی ٢٠٢٥/٢ بەڕێوەبەرایەتی گشتی ئۆپەراسیۆنەکانی ئاسایش، لەسەر بنەمای زانیاری هەواڵگری و بەبڕیاری دادوەری لێکۆڵینەوەی ئاسایش، دوای بەدواداچوون و کۆکردنەوەی زانیاری ورد و دەستنیشانکردنی شوێنی تیرۆریستان توانیان دوو تیرۆریستی داعش لەدەوروبەری شاری سلێمانی دەستگیربکەن”.
ئەوەشی خستەڕوو کە تیرۆریستان بەمەبەستی خۆڕێکخستنەوە ڕوویان لەدەوروبەری شاری سلێمانی کردبوو، لەڕابردوودا چەندین خولی شەرعی و سەربازیان بینیوە.
ڕاشیگەیاند، تۆمەتباران بەماددەی (٢)ی تیرۆر راگیراون و ڕووبەڕووی یاساکرانەوە و لێکۆڵینەوە لە دۆسیەکانیان بەردەوامە.
