ئەنجوومەنی پارێزگای سلێمانی دوای 8 كاتژمێر لە كۆبوونەوە، چەند بڕیارێكی دەركرد و تیایدا جەختكرایەوە لەسەر ئەوەی “دیزاینێكی جوان بۆ شەقامی تووی مەلیك” بكرێت.
ئەمرۆ چوار شەممە ڕێكەوتی ٢٠٢٥/٢/١٩ كۆبوونەوەی ئەنجومەنی شارەوانیی بەسەرپەرشتیی سەرۆكی ئەنجومەن و ئامادەبونی جێگری سەرۆك و زۆرینەی ئەندامان بەڕێوەچوو.
بەپێی ڕاگەیەنراوی ئەنجوومەنی شارەوانی سلێمانی، سەرەتا ئەندامانی ئەنجوومەن تیشكیان خستە سەر چەند بابەتێكی گرنگ لەوانە:
١- لیژنەیەكی تایبەتمەند ڕاسپێردرا، كە لەماوەیەكی كورتدا دیزاینێكی جوانی شەقامی سەرەكیی ”تویمەلیك” ئامادەبكەن و، لە هەمانكاتدا دیاریكردنی چالاكییەكانیش لەو شەقامەدا، بەشی زیادەڕەوی هەستن بە لابردنی سەرجەم سەرپێچیی و زیادەڕەوییەكانی سەر شەقامەكە.
٢- گفتوگۆكردن لەسەر بە كلتوركردنی تابلۆی شێوەكارانی كورد لە پێگە گەشتیارییەكان، لەسەر نوسراوی بەڕێوەبەرایەتی گشتیی گەشتوگوزاری سلێمانی.
٣- لەپێناو پاراستنی تەندروستیی هاووڵاتیان، هەوڵدان بۆ كۆكردنەوەو ڕێكخستنی ” دەستگێڕو عەرەبانەكان” تایبەت بە كاری لەفەو خواردەمەنیی و لە چەند شوێنێك و زیاتركردنی چاودێری تەندروستیی لەسەریان لێپرسینەوەی زیاتری پاكوخاوێنی لەسەریان.
ئاماژەی بەوەشكردووە، چەند داواكارییەكی وەبەرهێنان و كێشەی هاووڵاتیان تاووتوێكران و خرانە بەرباس لێكۆڵینەوە و بڕیاری پێویستیان لەبارەوەدرا بەپێی یاسا و ڕێنماییەكان. لە كۆبونەوەی ئەمڕۆدا چەندین هاووڵاتی و وەبەرهێن ئامادەبوون بۆ گەیاندنی داواكارییەكانیان لە نزیكەوە بە ئەندامانی ئەنجومەن، دوای گوێبیستی داواكارییەكانیان لەلایەن ئەندامانی ئەنجومەنەوە، بڕیاری پێویست لەسەر داواكارییەكانیان درا بەپێی یاساو ڕێنماییەكان.
