دوای دەستپێكردنی دابەشكردنی بەشەخۆراكی مانگانەی هاووڵاتیان، لە ئێستادا گلەیی و گازندە لەسەر برنجەكەی هەیە بەوەی ، كە بۆنێكی ناخۆشی هەیە، سەرۆكی پێشووی لیژنەی كشتوكاڵی ئەنجوومەنی پارێزگای سلێمانی-ش دەڵێت: بەدواداچوونیان كردووە و دوای لێنانی بۆنەكەی نامێنێت.
كاسترۆ مەعروف، ئەندامی پێشووی ئەنجوومەنی پارێزگای سلێمانی بۆ (خەڵك) ڕایگەیاند، دوای ئەوەی هاووڵاتییەکی زۆر پەیوەندیان پێوەکردم سەبارەت بەو بۆنە ناخۆشەی لەبەشە برنجی دابەشکراوی ئەم مانگەداهەستی پێ دەکرێت دوای بەداچوونمان، پەیوەندیم كرد بە لایەنە پەیوەندیدارەکان.
ڕاشیگەیاند، لیژنەی چاودێری قائیمقامیەتی قەزای ڕانیە پێی ڕاگەیاندم، كە پەیوەندیان بەلایەنە پەیوەندیدارەکان کردوە و پێیان ڕاگەیاندوون، ئەم جۆرە برنجە ئەو بۆنەی هەیە و لەکاتی لێنان بۆنەکەی نامێنێ.
بە وتەی لیژنەی چاودێری قائیمقامیەتی قەزای ڕانیە، ئەو برنجە شیاوە بۆ خواردن و هیچ مەترسییەکی نییە.
