وەزارەتی دارایی و ئابووری حکومەتی هەرێمی کوردستان لیستی مووچەی مانگی دووی فەرمانبەران و مووچەخۆرانی هەرێم ڕەوانەی بەغداد دەکات.
سەرچاوەیەکی ئاگادار لە وەزارەتى دارایی هەرێم بە “تۆڕی میدیایی خەڵک”ی ڕاگەیاند: ئەمڕۆ یاخود سبەینێ لیستى مووچەى مانگى دووى فەرمانبەرانى هەرێم رەوانەى بەغداد دەکەن”.
ئەمە لەکاتێکدایە دوێنێ سێشەممە، وەزارەتی دارایی عێراق دەستی بە دابەشکردنی مووچەی مانگی دووی فەرمانبەرانی عێراق کرد و چاوەڕوان دەکرێت دوای ناردنی لیستی مووچەی فەرمانبەرانی هەرێم بۆ بەغداد، مووچەی مانگی دووی هەرێمیش رەوانە بکرێت.
