کەشناسی: بەفر و لێزمەباران دەبارێت

کەشناسی هەرێمی کوردستان ڕایگەیاند، شەپۆلی بەفر و باران دەستپێدەکات و لە هەندێک ناوچەش لیزمەباران دەبارێت.

بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ چوارشەممە، ئاسمان نیمچە هەوردەبێت و ئێوارە دەگۆڕێت بۆ هەورى تەواو، لە سنوورى پارێزگاى دهۆک و بەشیک لە ناوچە شاخاوییە سنوورییەکان دەستپێدەکات و لە درەنگانی شەودا کەمێک بەفر دەبارێت.

سەبارەت بە سبەینێ پێنجشەممەش کەشناسی ڕایگەیاند، شەپۆلى بارانبارین سەرجەم ناوچەکان دەگرێتەوە و لە ناوچە سنوورییەکانیش بەفر دەبارێت.

ئەوەشی خستەڕوو کە سەرەتا دابارین بەشێوەی پچڕپچڕ دەبێت و شەودا هێز و تاوى باران زیاددەکات و لە ناوچە شاخاوییەکانیش لێزمەباران دەبارێت.

کەشناسی ڕاشیگەیاند، سبەینێ خێرایی با زیاد دەکات و پلەی گەرما 2-4 پلە نزم دەبێتەوە.

بەرزترین پلەکانی گەرمای پێشبینیکراو بە پلەی سیلیزی :

هەولێر: 11 پلەى سیلیزى

سلێمانی: 9 پلەى سیلیزى

دهۆک : 7 پلەى سیلیزى

کەرکووک: 14 پلەى سیلیزى

زاخۆ:  8 پلەى سیلیزى

هەڵەبجە: 7 پلەى سیلیزى

حاجی ئۆمەران: 6 پلەى سیلیزى

سۆران: 13 پلەى سیلیزى

گەرمیان: 14 پلەى سیلیزى