ئەنجومەنی وەزیرانی هەرێم لە بارەی چەند پرسێکەوە کۆدەبێتەوە و یەکێک لە پرسەکانیش دەستپێکردنەوەی هەناردەی نەوتی هەرێمە لە ڕێگەی بەغدادەوە.
بەپێی ڕاگەیەندراوی حکومەتی هەرێم، ئەمڕۆ چوارشەممە ئەنجوومەنی وەزیرانی هەرێمی کوردستان بە سەرپەرشتیی مەسرور بارزانی سەرۆکی حکومەتی هەرێمی کوردستان و ئامادەبوونی قوباد تاڵەبانی، جێگری سەرۆک وەزیران کۆدەبێتەوە و سێ تەوەر تاوتوێ دەکات.
ئەوەش هاتووە: ئەنجوومەنی وەزیران لە کۆبوونەوەی ئەمڕۆیدا، بەشداریی شاندی حکومەتی هەرێمی کوردستان بە سەرۆکایەتیی مەسرور بارزانی لە لووتکەی جیهانیی حکومەتەکان لە دوبەی، هەناردەکردنەوەی نەوتی هەرێم و ڕێکارەکانی یەکخستنی کوالێتیی کۆنتڕۆڵ لە نێوان هەردوو حکومەتی هەرێمی کوردستان و حکومەتی عێراق تاووتوێ دەکات.
