شاندێکی وەزارەتی نەوتی عێراق بۆ ڕێککەوتن لەسەر میکانیزمی وەرگرنتی نەوت سەردانی هەرێمی کوردستان دەکات.
حەیان عەبدولغەنی، وەزیری نەوتی عێراق ڕایگەیاند، شاندێک بە سەرۆکایەتی بریکاری کاروباری دەرهێنانی نەوت و فەرمانگەی یاسایی و ئابووری وەزارەت و کۆمپانیای سۆمۆ سەردانی هەولێر دەکەن بۆ دانوستان لەسەر میکانیزمی وەرگرتنی نەوتی هەرێمی کوردستان.
ئەوەشی خستەڕوو کە لەگەڵ کەمال محەمەد، وەزیری سامانە سروشتییەکاندا پەیوەندییان کردووە بۆ دانوستان لەگەڵ شاندەکە و دیاریکردنی میکانیزمی وەرگرتن و هەناردەکردنی نەوتی هەرێمی کوردستان لە ڕێی بەندەری جەیهانی تورکییەوە.
پێشتریش حەیان عەبدولغەنی ڕایگەیاندبوو کە هەفتەی داهاتوو دەست دەکرێتەوە بە هەناردەکردنی نەوت لە ڕێی بەندەری جەیهانەوە و هەرێمی کوردستان ڕۆژانە 300 هەزار بەرمیل ڕادەستی بەغدا دەکات.
