ئەمڕۆ سێ شەممە، دادگای فیدڕاڵی سکاڵاکەی سەرۆک کۆماری لەبەرژەوەندی تەوتینی مووچەخۆرانی هەرێم یەکلایی کردەوە و دەڵێت: دەبێت تەوتین جێبەجێبکرێت بەپێی رێکارەکانی بانکی ناوەندی.
د. لەتیف رەشید، سەرۆك كۆماری عیراق، لە دادگای فیدڕاڵی سكاڵای دژی سەرۆك وەزیران و سەرۆكی ئەنجومەنی نوێنەران و وەزیری دارایی عیراق تۆماركردبوو، داوایكردبوو وەزارەتی دارایی عیراق پابەند بكرێت بە دابەشكردنی مووچەی مووچەخۆرانی هەرێم و بە بانكیكردنی مووچەكانیان، ئەمڕۆش دادگای فیدڕاڵی سکاڵاکە لەبەرژەوەندی سەرۆک کۆمار یەکلایی کردەوە.
د. ڕەعد ڕەفعە، مامۆستای زانكۆ ڕایگەیاند، ئەمڕۆ دادگای فیدڕاڵی وەڵامی ٤ تانەی سەرۆک کۆماری عیراقی دایەوە، بەجۆرێك لەسەر بابەتی تەوتین دادگای فیدراڵی بڕیاریدا دەبێت تەوتین جێبەجێ بکرێت بەپێی ڕێکارەکانی بانکی ناوەندی بەهەماهەنگی لەنێوان وەزارەتی دارایی عێراق و هەرێمی کوردستان و خاڵێکی گرنگیشی بریتیە لەسەرپشککردنی مووچەخۆر بەوەی مووچەکەی لەکام بانک تەوتین دەکات و ئازادە لەهەڵبژاردنی هەر بانکێک.
ڕاشیگەیاند، سەبارەت بەگشت داواکارییەکانی تری سەرۆک کۆمار لەدادگای فیدڕاڵی هەمووی ڕەتکرایەوە هەروەکو پێشبینیمان کردبوو لەسەرەتای سکاڵاکەی سەرۆک کۆمار.
