مەفرەزەکانی بنکەی پۆلیسی گەرمکی سەر بە بەشی پۆلیسی پێنجوێن تۆمەتبارێکیان دەستگیرکرد کە دزی لەکۆگایەک کردبوو.
پۆلیسی سلێمانی لە ڕاگەیەندراوێکدا ئاشکرایکرد: دوای ئەوەی هاووڵاتییەک سکاڵای تۆمارکرد کە لەکۆگاکەیدا کەلوپەلی لێ دزراوە، دەستبەجێ هێزەکانی پۆلیس لێکۆڵینەوەو بەدواداچونیان بۆ دۆزینەوەو دەستگیرکردنی تۆمەتبار دەستیپێکرد.
باسی لەوەکردووە: پاش وەرگرتنی بڕیاری دادوەرو گەیشتنە ئەنجامی لێکۆڵینەوەکان، توانرا تۆمەتبار بدۆزرێتەوە و لەلایەن مەفرەزەکانی بنکەی پۆلیسی گەرمکی سەر بە بەشی پۆلیسی پێنجوێنەوە دەستگیربکرێت.
پۆلیسی سلێمانی دەشڵێت: تۆمەتبار (هـ، أ، م) تەمەن 29 ساڵ دانی بەتاوانەکەیدا ناوە و لەئێستادا بەبڕیاری دادوەر و بەپێی ماددەی 444 لەیاسای سزادان ڕاگیراوەو لێکۆڵینەوەکان بەردەوامە.
“لەکاتی لێکۆڵینەوەکاندا دەرکەوت کە تۆمەتباری ناوبراو سکاڵایەکی دیکەی لەسەرەو لەیاریدەدەرێتی ئاسایشی
پێنجوێن داواکراوە بەپێی ماددەی 30 لەیاسای بەرەنگاربوونەوەی مادە هۆشبەرەکان”، پۆلیسی سلێمانی وای وتووە.
