هێزێکی سوپای عێراق بە کەلوپەل و ئۆتۆمبێلی سەربازییەوە هەڵیکوتایە سەر زەوییە کشتوکاڵییەکانی گوندی شەناغە لە ناحیەی سەرگەڕان و ناهێڵن جوتیاران كار لە زەوییەكانیان بكەن.
بەیانیی ئەمڕۆ لەدوای ئەوەی ژمارەیەک لە جوتیارانی ناحیەی سەرگەڕان چوونەتە سەر زەوییە کشتوکاڵییەکان، هێزێکی سوپای عێراق بە ژمارەیەک سەرباز و ئۆتۆمبێلی سەربازییەوە هەڵیانکوتاوەتە سەریان.
هاوكات، لە ئێستاشدا جارێكی دیكە هێزێكی سوپای عێراق و چالاكییە مەدەنییەكان چوونەتە سەر جوتیاران و هەڕەشەیان لە جوتیاران کردووە و ڕێگریان لێکردوون کارەکانی ڕۆژانەی خۆیان راپەڕێنن.
پێشتر و لە 21ی کانوونی دووەمی ئەمساڵ پەرلەمانی عێراق بە یاسایەک، هەردوو بڕیاری ژمارە 1018ی ساڵی 1982، و بڕیاری 554ی ساڵی 1983 ی ئەنجومەنی سەرکردایەتیی حزبی بــەعـسی هەڵوەشاندەوە.
