سەرپەرشتیارانی مزگەوتی “کەمال قەرەیەر” لە پارێزگای یۆزگات لە ناوەڕاستی تورکیا، سەریان سوڕما لە شکستی سیستەمی دەنگی لە یەکێک لە منارەکانی مزگەوتەکە، کە تا ئێستاش لە قۆناغی دروستکردندایە.
دوای پشکنینی خێرا، پسپۆڕی چاککردنەوە بۆی دەرکەوت هۆکاری تێکچوونی کارکردنەکە تەکنیکی نەبووە، بەڵکو ڕێوییەکی فێڵباز بووە.
کاتێک پسپۆڕی چاککردنەوە سەرکەوت بۆ سەر لوتکەی منارەکە، تێبینی کرد، کە هەندێک وایەر بە ئەنقەست بڕدراون و بانگدانیان تێکداوە.
هەر کە دەستی کرد بە پشکنینی شوێنەکە، سەری سوڕما کە ڕێوییەک بەرەو باڵکۆنی منارەکە ڕادەکات، لەوێ لەبەردەم ڕێبوارەکاندا گیربوو کە وێنە و ڤیدیۆی ئەو دیمەنە دەگمەنەیان گرتووە.
ڕێویەکە لە لوتکەی منارەکەدا گیری خواردووە تا ئەو کاتەی كەسە پسپۆڕەكە توانی وایەرەکان چاک بکاتەوە و سیستەمی دەنگیی دووبارە دابمەزرێنێتەوە، بەڵام دواتر بە شێوەیەکی نهێنی ون بوو، هەروەها ڕوون نییە کە چۆن توانیویەتی دابەزێت یان بگەڕێتەوە ماڵەکەی خۆی لە ناوچەی بیابانی نزیک.
ناوەراستی تورکیا زستانێکی سەختی بەسەردا دێت، کە ئاژەڵە کێوییەکان، وەک ڕێوی و ورچەکان ناچار دەکات بە دزییەوە بچنە ناو شوێنی نیشتەجێبوونی مرۆڤەوە بۆ گەڕان بەدوای خۆراکدا، ئەمەش هۆكاری بوونی ئەم ڕێوییە لە مزگەوتەکەدا دەردەخات.
Yozgat Akdağmadeni ilçesinde Camii’nin hoparlöründeki arızayı gidermek için minareye çıkan elektrik ustası sürprizle karşılaştı. Hoparlörün kablolarını kemirerek bozulmasına neden olan tilkiyi görünce büyük şok yaşayan usta hayrete düştü. pic.twitter.com/H378DoI7tS
— Kayserinews.com (@Kayserinewscom) February 16, 2025
