هاتووچۆی قەزای شارباژێڕ بەربەستکردنی دوو شەقامی ڕاگەیاند و دەڵێت” رێگە بە هاتووچۆی ئۆتۆمبێل نادرێت”.
هاتووچۆی قەزای شارباژێڕ، لەبڵاوکراوەیەکدا ڕایگەیاند، بەمەبەستی کارکردن لە شەقامی تونێلی پێشڕەو بەرەو شەقامی هەواری شار لە ئەمڕۆ دووشەممەوە هەردوو سایدەکە بەربەست کراون رێگە بە هاتووچۆی ئۆتۆمبێل نادرێت.
ئاماژەی بەوەشکرد، بەربەستکردنەکە لە فولکەی بەردەم بەرزاییەکانی سلێمانی بۆ تونێلی پێشڕەو و بە ئاڕاستەی رۆیشتن و هاتن دەبێت، تا تەواوکردنی پرۆژەکە و کردنەوەی شەقامەکە پێویستە هاووڵاتیان و سەردانیکەران شەقامی دەباشان وەک رێگای جێگرەوە بەکاربهێنن.
