لێپرسراوی وێستگه‌كانی كێش له سلێمانی هەر بارهەڵگرێک لە وێستگەکانی کێش هەڵبێت یاخود کێشی زیادەی پێ بێت، سزا دەدرێت.
ئەمڕۆ دووشەممە، فه‌ره‌یدون عومه‌ر، لێپرسراوی وێستگه‌كانی كێش له سلێمانی بە ڕادیۆی هاتوچۆی سەر بە بەڕێوەبەرایەتی هاوتوچۆی سلێمانی ڕاگه‌یاند، هه‌رئۆتۆمبێلێكی بارهه‌ڵگر باری زیادی باركردبێت سزا ده‌درێت.
ڕوونیشیکردەوە کە سزای یه‌ك تۆن باری زیاده 50 هه‌زار دینار و بۆ دوو تۆن زیاده 200 هه‌زار دینارە.
ئەوەشیخستەڕوو کە هه‌ر ئۆتۆمبێلێكی بارهه‌ڵگر زیاتر له‌دوو تۆن باری زیاده‌ی باركردبێت، ئه‌وا باره‌كه‌ی پێداده‌گیرێت و له چوار تۆنه‌وه سزاكه‌ی ده‌بێته 600 هه‌زار دینار.
فەرەیدون عومەر ڕاشیگەیاند، هه‌ر ئۆتۆمبێلێكی بارهه‌ڵگر له وێستگه‌كانی كێش هه‌ڵبێت به‌بڕی 250 هه‌زار بۆ 400 هه‌زار دینار سزاده‌درێت.
