بە گوژمەی ملیارێک دۆلار پڕۆژەیەکى گەورەى گەشتیار لە سەر چیای سەفین جێبەجێدەکرێت.
ئەمشەو ئومێد خۆشناو پارێزگاری هەولێر ڕایگەیاند، لە چوارچێوەی گرنگیدان بە کەرتی گەشتیاری، لە بەرنامە و پلانى حکومەتى هەرێمى کوردستاندایە بە گوژمەى یەک ملیار دۆلار پڕۆژەیەكی گەورەى وەبەرهێنانی گەشتیاریی لە چیای سەفین جێبەجێ بکرێت.
ڕاشیگەیاند، ئێستا پرۆژەکە لەدیراسەدایە و كار لەسەر داڕشتنی ماستەرپلانی دەکرێت، کە لەسەر ئاستى ڕۆژهەڵاتى ناوەڕاست نموونەى نییە.
ئومێد خۆشناو ئەوەشی خستەڕوو کە بڕیارە ئەمساڵ دیزاینی ماستەر پلانى پڕۆژەکە تەواو بکرێت و لەرێگەى گەورە کۆمپانیا جیهانیەکانەوە كه شارەزان له بواری پەرەپێدانى گەشتیاری جێبەجێ بکرێت.
