ئەمڕۆ یەک شەممە، نەخۆشخانەی گشتی قورنە لە پارێزگای بەسرە، لەدایکبوونی سێ منداڵی بۆ نەخۆشێکی تەمەن ٢٥ ساڵ ڕاگەیاند.
نەخۆشخانەی گشتی قورنە لە بەیاننامەیەکدا ئاماژەی بەوەكردووە، “تیمێکی پزیشکی تایبەتمەند لە نەخۆشخانەكەمان توانیان نەشتەرگەری قەستەرەیی بەپەلە بۆ نەخۆشێکی تەمەن 25 ساڵ ئەنجام بدەن، کە دووگیان بووە بە سێ منداڵ، کە بەدەست پچڕانی منداڵدانەوە دەناڵێنێت، لەگەڵ گرژبوونی توندی منداڵدان”.
پزیشکی سەرپەرشتیار، دکتۆر نور سەباح عەبدولڕەحمان، پزیشکی ئافرەتان و منداڵبوون، ڕایگەیاندووە، “نەخۆشەکە تووشی گرژبوونی توندی منداڵدان و خوێنبەربوون بووە و هەشت مانگ دووگیانی بووە بە سێ منداڵەوە.
ئاماژەی بەوەشكردووە، دوای ئەنجامدانی پشکنینی پێویست بۆ نەخۆشەکە، نەشتەرگەری لەڕێگەی نیوە بەنجەوە بەسەرپەرشتی پزیشكی بێهۆشكار، د مەسار غەسان بۆ ئەنجام درا.
جەختیشی كردۆتەوە، نەشتەرگەرییەكەی سەركەوتوو بووە و سێ منداڵی بووە، كە دووانیان كچ و یەكێكیان كوڕ بووە و تەندروستییان باشە.
