سەرۆکی هەرێمی کوردستان وادەی هەناردەی نەوتی هەرێم ئاشکرادەکات و دەڵێت”پێشبینی دەکەم لەمانگی ئازاری ئەمساڵ هەناردەی نەوتی هەرێم دەستپێبکاتەوە”.
نێچیرڤان بارزانی، سەرۆکی هەرێمی کوردستان، بەئاژانسی بلوومبێرگی ئەمریکی ڕاگەیاند، لەچەند ڕۆژی داهاتوودا بڕیارە لەگەڵ بەرپرسانی تورکیا کۆبێتەوە و بابەتی هەناردەی نەوتی هەریم باسدەکەن.
ئاماژەی بەوەشداوە، ئەم کۆبوونەوەیە ڕەنگە ببێتە نەخشەڕێگەی کردنەوەی هەناردەکردنەوەی نەوت.
سەرۆکی هەرێمی کوردستان راشیگەیاند، پێشبینی دەکەین لەمانگی ئازاری ئەمساڵ نەوتی هەرێم هەناردە بکەین، بەوپێیەی هەمووشتێک لەلایەن ئێمەوە ئامادەیە و دانوستاندنی زیاتریش لەگەڵ بەغدا دەبێتە بنەمای بەکاربردنی نەوت لەناوخۆدا.
25ـی ئاداری 2023، هەناردەی زیاتر لە 450 هەزار بەرمیل نەوتی رۆژانەی هەرێمی کوردستان و کەرکووک لە رێگەی بۆریی عێراق – تورکیا بۆ بەندەری جەیهان وەستا، ئەوەش دوای ئەوەی دادگەیەکی نێوبژیوانی لە پاریس رایگەیاند، تورکیا بە هەناردەکردنی نەوتی هەرێمی کوردستان بێ رەزامەندی حکومەتی فیدراڵیی عێراق، رێککەوتنێکی ساڵی 1973ـی پێشێلکردووە.
