لەناوچەیەکی هەرێم نەوتەکەی عێراق دابەشدەکرێت

بڕیارە سبەینی لە ناحیەی وەرتێ نەوتی سپی ماڵان بەنرخی 30 هەزار بۆ هەر 100 لیترێک دابەشبکرێت.

لیژنەی سووتەمەنی ناحیەی وەرتێ لە ئاگادارییەکدا رایگەیاند، دەست بەدابەشکردنی 100 لیتر نەوت دەکرێت کە بەشێکی حکومەتی عێراق دەینێرێت، و نەوتەکە لە سەنتەری ناحیە و گوندەکانی دەرگەڵە، کەڵێتە، سەرنەوس و خانەقا دابەش دەکرێت.

سەرۆکی لیژنەی سووتەمەنی ناحیەی وەرتێ دەڵێت “هەر خێزانێک 100 لیتر نەوتی پێدەدرێت و لە بەرامبەردا 30 هەزار دیناری لێوەردەگیرێت و دەبێت دوو هەزار دیناریش بدەن بۆ کرێی گواستنەوەی نەوتەکە بۆ بەردەم ماڵەکانیان.”