بەرێوەبەرایەتی نەهێشتنی ماددەهۆشبەرەکان دەستگیرکردنی 35بارزگان و فرۆشیاری ماددەی هۆشبەر ڕادەگەیەنێت و دەڵێت”51کیلۆگرام ماددەی هۆشبەر دەستیبەسەردا گیرا”.
لە ڕاگەیەندراوێکدا، بەرێوەبەرایەتی نەهێشتنی ماددەهۆشبەرەکان- هەولێر رایگەیاند، لەژمارەیەک چالاکییدا لە چەند هەفتەی رابردوو، پاش وەرگرتنی زانیاری و بەدواداچوونی بەردەوام، و دوای وەرگرتنی فەرمانی دادوەری لێکۆڵینەوەی ئاساییش، لەلایەن بەڕێوەبەرایەتیەکەمانەوە توانرا 35بازرگانی ماددەی هۆشبەر دەستگیربکرێن لەشاری هەولێرو دهۆک کە ژمارەیەک لەو بازرگانانە بازرگانی بیانین و کاری بازرگانی نێودەوڵەتی بەماددەی هۆشبەرەوە دەکەن.
ئاماژەی بەوەشداوە، لەم چاڵاکیانەدا توانرا بڕی49 کیلۆگرام لە مادەی هۆشبەر جۆری کریستاڵ و 2 کیلۆگرام لەجۆری هیرۆیین دەستی بەسەردا بگیرێت.
بەپێی راگەیەندراوەکە، بەشێک لە چالاکییەکان هەردوو بەڕێوەبەرایەتی ئاسایشی بازگەکان و بەڕێوەبەرایەتی چاودێری و بەدواداچوون هاوکار و هەماهەنگمان بوون.
لە دادگا دۆسیەی تاوان بۆ تەواوی ئەو تۆمەربارانە کراوەتەوەو بەپێی یاسای بەرەنگاربوونەوەی ماددەهۆشبەرەکان و کارتێکەرە ئەقڵیەکان ڕووبەڕووی یاسا دەکرێنەوە.
