کەشناسی هەرێمی کوردستان پێشبینی دەکات بە هۆی نزمە پاڵەپەستۆى لاوازى دەریاى سوورەوە پلەی گەرما دابەزێت و بەفر و باران ببارێت.
بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، لە درەنگانى ئەمشەوەوە کاریگەرى نزمە پاڵەپەستۆى لاوازى دەریاى سوور ڕوو لە ناوچەکەمان دەکات.
ڕوونیشیکردەوە کە سبەینێ دووشەممە، لە ئەنجامى بەردەوامى کاریگەرى نزمەپاڵە پەستۆى لاوازى دەریاى سوور لە سەر ناوچەکەمان پێشبینى بارینی بەفر و باران دەکرێت.
ئەوەشی خستەڕوو کە کاریگەرى ئەم نزمە پاڵەپەستۆیە لەسەر سنوورى پارێزگاى سلێمانى و ئیدارەى ڕاپەڕین و ئیدارەى گەرمیان و پارێزگاى هەڵەبجە لەگەڵ بەشێک لە سنوورى پارێزگاى هەولێر دەبێت.
کەشناسی ڕاشیگەیاند کە بڕى بارانى پێشبینى کراو بەم شێوەیە دەبێت؛
لەسنوورى پارێزگاى هەولێر (1-3)ملم دەبێت
لەسنوورى پارێزگاى سلێمانى (4-8)ملم دەبێت
لەسنوورى پارێزگاى هەڵەبجە (2-3)ملم دەبێت
لە ڕاگەیەندراوەکەی کەشناسیدا هاتوە کە بڕى بەفرى پێشبینى کراو لە سنوورى پارێزگاى سلێمانى ( 7-5 )سم و لەسنوورى پارێزگاى هەولێریش (3-5)سم دەبێت.
ڕوونیشکردەوە کە سبەینێ پلەی گەرما لە پارێزگاى سلێمانى و هەڵەبجە و کەرکووک و ئیدارەى گەرمیان و ڕاپەڕین بە نزیکەى (8-10) پلەى سیلیزى نزم دەبێتەوە بەراورد بە تۆمارکراوەکانى ئەمڕۆ.
بەرزترین پلەکانی گەرمای پێشبینیکراو بە پلەی سیلیزی :
هەولێر : 12 پلەى سیلیزى
سلێمانی : 8پلەى سیلیزى
دهۆک : 12 پلەى سیلیزى
کەرکووک : 11 پلەى سیلیزى
زاخۆ : 14پلەى سیلیزى
هەڵەبجە : 5 پلەى سیلیزى
حاجی ئۆمەران : 1 پلەى سیلیزى
سۆران : 9 پلەى سیلیزى
گەرمیان : 10پلەى سیلیزى
