بوومەلەرزەیەکی بەهێز چەولیگی باکووری کوردستانی هەژاند کە گوڕەکەی لە 5 پلەی ڕێختەر نزیک بووە.
سەرۆکایەتی بەڕێوەبەردنی کارەسات و دۆخە لەناکاوەکانی تورکیا “ئافاد” ڕایگەیاند، کاتژمێر 2:24 خولەکی بەیانی ئەمڕۆ یەکشەممە، بوومەلەرزەیەک لە شارۆچکەی یەدیسوی سەر بە چەولیگ ڕوویداوە کە گوڕەکەی 4.8 پلە بووە بە پێوەری ڕێختەر.
ڕوونیشیکردەوە کە بوومەلەرزەکە لە قووڵایی 12.79 کیلۆمەتری زەویدا ڕوویداوە.
هەرچەندە بە پێی زانیارییەکان بوومەلەرزەکە هیچ زیانی لێنەکەوتووەتەوە، بەڵام بەشێک لە هاووڵاتییان دوای بوومەلەرزەکە بۆ پاراستنی سەلامەتییان لە ماڵەکانیان چوونەتە دەرەوە.
