بارەگای بارزانی لەسەر قسەکانی ئەیاد عەلاوی ڕوونکردنەوە دەدات و دەڵێت” دەرگای کوردستان و هەولێر کراوەیە بۆ هەموو هاووڵاتییەکی عێراقی”
بارەگای بارزانی، ئەمڕۆ شەممە 15ـی شوباتی 2025، لەبارەی وتارێکی ئەیاد عەلاوی ڕوونکردنەوەیدا و دەڵێت، ڕۆژی شەممە 15ی شوباتی 2025 لە کاتی ڕاگەیاندنی کۆمەڵەیەکی سیاسیەوە ئەیاد عەللاوی هەندێ قسەی لەبارەی کردنەوەی لقی حزبی بەعس لە کوردستان خستووەتەڕوو، ئەم جۆرە قسانە جێگەی سەرسووڕمانێکی زۆر و جێگەی پرسیارن.
ئاماژەی بەوەشداوە، لێرەدا جەخت دەکەینەوە دەرگای کوردستان و هەولێر کراوەیە بۆ هەموو هاووڵاتییەکی عێراقی کە بە ئازادییەوە تێیدا بژی، بەڵام ئەوەی ئەیاد عەلاوی لەبارەی کردنەوەی لقێکی حزبی بەعس لە کوردستان باسی کردووە دوورە لە ڕاستییەوە.
بارەگای بارزانی ڕایدەگەیەنێت” ئەم جۆرە قسانە جێگەی سەرسووڕمانێکی زۆر و جێگەی پرسیارن کە بۆ ئەم قسانەی کردووە کە ڕاست نین”.
ئەمڕۆ ئەیاد عەلاوی سەرۆک وەزیرانی پێشووتری عێراق، لە شاری بەغداد لە کاتی راگەیاندنی هاوپەیمانییەتێکی سیاسی بۆ هەڵبژاردن وتارێکی پێشکەش کرد و وتی”قەناعەتەکان گۆران ئێستا زانیومە مەسعود بارزانی رێگای داوە لقی کوردستانی حیزبی بەعس بکرێتەوە”.
