وەزیری دەرەوەی عێراق بانگهێشتی وەزیری دەرەوەی حکومەتی ڕاگوزەری سووریا دەکات و دەڵێت” عێراق خۆ پارێزی نییە بۆ مامەڵەکردن لەگەڵ سەرکردایەتی سووریای نوێ”.
شەممە 15ـی شوباتی 2025، فوئاد حوسێن، وەزیری دەرەوەی عێراق ڕایگەیاند، بانگهێشتنامەیەکی فەرمی عێراقی بۆ وەزیری دەرەوەی سووریا ئەسعەد شەیبانی ناردووە، بۆ ئەوەی هەفتەی داهاتوو سەردانی بەغدا بکات.
هاوکات ڕۆژی هەینی 14ـی شوبات، فوئاد حوسێن ڕایگەیاند، عێراق هیچ خۆ پارێزییەکی نییە بۆ مامەڵەکردن لەگەڵ سەرکردایەتی سووریای نوێ.
بڕیارە عێراق لوتکەی کۆمکاری عەرەبی لە ئایاری داهاتوو بەڕێوەببات، و بانگهێشتی تەواوی سەرکردەکانی وڵاتانی عەرەبی دەکات، لەنێو ئەوانیشدا سەرۆکی ڕاگوزەری سووریا ئەحمەد شەرع.
