بەڕێوەبەرایەتیی پۆلیسی پارێزگای هەولێرگروپی (ڕاوچیی کۆیلەکان)ی دەستگیر کرد و دەڵێت” گرووپە تاوانی ئەلیکترۆنییان ئەنجام دابوو”.
بەڕێوەبەرایەتی پۆلیسی پارێزگای هەولێر ڕایگەیاند، گرووپی (ڕاوچیی کۆیلەکان) دەستگیر کرا، کە ئەم گرووپە تاوانی ئەلیکترۆنییان ئەنجام دابوو و هەڕەشەی بڵاوکردنەوەی وێنە و ڤیدیۆی نەشیاویان لە ئافرەتان کردبوو.
ئاماژەی بەوەشداوە، تۆمەتباران، کە یەکێیان خەڵکی سنووری قەزای سۆرانە و بە هاوکاریی بەڕێوەبەرایەتی پۆلیسی سۆران دەستگیر کران، دانیان نا بە تاوانەکەیاندا، بۆیە دۆسیەی لێکۆڵینەوەیان بۆ کرایەوە و بە بڕیاری دادوەری لێکۆڵینەوە درانە دادگا.
