ئامۆژگاری بۆ خۆراکدانی منداڵ لە ساڵی یەکەمدا و دیارترین هەڵەکان کە دایک و باوک ئەنجامی دەدەن
کۆرپەلە دەتوانێت تامە جیاوازەکان بناسێتەوە لەکاتەی لە سکی دایکیدا خواردنی بۆ چووە.
توێژەران پێشنیاریان کردووە، ئەو دایکە دووگیانانەی کە دەیانەوێت کۆرپەکانیان لەکاتی لەدایکبووندا سەوزەوات زۆر بخۆن ئەوا لە دوا قۆناغی دووگیانیدا با خۆراکەکانیان زۆرترین بر سەوزەوات بێت.
ئەمەش دوای ئەوە هات کە توێژینەوەیەک ئاشکرای کرد کە منداڵە تازەلەدایکبووەکان وەڵامێکی ئەرێنییان بۆ بۆنی ئەو خۆراکانە نیشانداوە کاتێک دایکیان لە قۆناگەکانی کۆتایی دووگیانیدا خواردویانە.
توێژینەوەکە کە زانکۆی دورهام سەرپەرشتی دەکات، شیکاری بۆ خواستی ئەو کۆرپانە کردووە کە لەکاتی دووگیان بوونی دایکیان لە دوای هەفتەی 10 یەمەوە چەند جۆرێک خواردنیان خواردووە و ئارەزووی منداڵەکە بۆئەو خۆراکانە زیاتر بووە وەک گێزەر یان سەوزەوات.
توێژەران بۆیان دەرکەوتووە کە ئەو منداڵانەی لە کاتی دووگیانیدا بەر تامی گێزەر کەوتوون، دوای لە دایکبوونیان ئارەزووی خواردن و ناسینەوەی گێزەریان زیاتر بووە.
پرۆفیسۆر نادجا ڕیجسلاند، پسپۆڕی توێژینەوەی کۆرپەلە و تازەلەدایکبووەکان، کە توێژینەوەکەی لەسەر کاریگەری جگەرەکێشان لەسەر کۆرپەلە لە ساڵی 2015دا زیاتر ناسراوە، یەکێک بوو لە نووسەرە سەرەکییەکانی ئەم توێژینەوەیە.
ئاماژەی بەوەشکردووە، “شیکارییەکانمان بۆ دەربڕینی دەموچاوی کۆرپە ئەوە پیشان دەدات کە وەڵامێکی ئەرێنیتر نیشان دەدەن بۆ بۆنی ئەو خۆراکانەی کە دایکانیان لە مانگەکانی کۆتایی دووگیانیدا خواردیان”، “ئەمە بەو مانایەیە کە دەتوانین بە ئەگەرێکی زۆرەوە هانی کۆرپەکان بدەین کە زیاتر کارلێک لەگەڵ سەوزە سەوزەکاندا بکەن بە بەرکەوتنیان بەو خۆراکانەی دایکان لەکاتی دووگیانیدا دەیانخۆن”.
ڕایسلاند ڕوونیشیکردەوە، ڕەنگە لەکاتی شیربڕیندا خواردنی تام شیرینتر بە کۆرپە بدرێت، وەک گێزەری کوڵاو، گوێزی هیندی یان مۆز، بەڵام ئەو کۆرپەیانەی لەکاتی دووگیانیدا بەرکەوتەی تامی سەوزەی تاڵتر دەبن، ڕەنگە دواتر ئارەزووی ئەم خواردنە تەندروستانەیان هەبێت.
توێژینەوەکە 32 کۆرپەی باکووری ڕۆژهەڵاتی ئینگلتەرا لەخۆگرتووە، هەروەها بەدواداچوونێکە بۆ ئەو توێژینەوەیەی کە لە ساڵی 2022 بڵاوکرایەوە کە بە بەکارهێنانی سکانی سۆنەری چوار ڕەهەندی (4D) دەریخستووە کە کۆرپەلە کاتێک دایکی گێزەر دەخوات، ئارەزووی بۆ ئەوجۆرە خواردنانە دەبێت.
لە لێکۆڵینەوە نوێیەکەدا، منداڵەکان تەنها پەڕۆی بۆندار بە گێزەر یان کەلەرم پێدراوە، بەبێ ئەوەی هیچ شتێک بخرێتە ناو دەمیانەوە، بەهۆی تەمەنی کەمیانەوە و هێشتا ئامادە نەبوون خۆراکی ڕەق تاقیبکەنەوە.
پاشان زاناکان شیکاری کلیپەکانی ڤیدیۆ کلیپەکانیان کرد بۆ ئەوەی چاودێری کاردانەوەی کۆرپەکان بکەن، هەروەها بەراوردیان کرد بەو کاردانەوەی کە پێش لە دایک بوونیان نیشانیان دا، بۆ ئەوەی لە کاریگەریی دووبارە بەرکەوتنی تامی جیاواز لە سێ مانگی سێیەمی دووگیانیدا تێبگەن.
