ئەمرۆ شەممە ١٥/٢/٢٠٢٥ هاووڵاتی ( شەهلا عوسمان فتح الله ) دانیشتووی پارێزگای سلێمانی، کە بە مەبەستی عومڕە سەردانی سعوودیەی کردبوو لە ناو حەرەمی پیرۆزی مەککە کۆچی دوایی کرد.
كاروان ستونی، وتەبێژی حەج و عومرەی كوردستان بۆ (خەڵك) ڕایگەیاند، شەهلا عوسمان، كە بۆ عومرە چۆتە سعودیە تەمەنی سەرووی ٥٠ ساڵە و سوننەتی عومرەی بەجێ گەیاندووە، بەڵام بەداخەوە ئەمڕۆ لەناو حەرەمی پیرۆز گیانی لەدەستدا.
ڕاشیگەیاند، بڕیارە هەر ئەمرۆ لە شاری مەککەی پیرۆز بە خاک بسپێردرێت.
ئاشكراشی كرد، ئەمە پێنجەم عومرەکاری کوردستانە، کە لەسەرەتای ئەمساڵ ٢٠٢٥ لە سعودیە کۆچی دوایی کردبێت .
