لەناو شاری کەلار لەشەقامی جووت سایدی شەهید کەمال بێویانی بەهۆی ڕووداوێکی هاتووچۆوە سێ کەس برینداربوون.
هاتووچۆی گەرمیان بڵاویكردەوە، پاش نیوەڕۆی ئەمڕۆ (شەممە) بەهۆی پێکدادانی دوو ئۆتۆمبێلی جۆری تۆیۆتا کرۆلا و مسیبوشی لانسەر لەشەقامی شەهید کەمال بێویانی، شۆفێری هەردوو ئۆتۆمبێلەکە و سەرنشینێکی لانسەرەکە بریندابوون و گواسترانەوە بۆ نەخۆشخانە.
ڕاشیگەیاندووە، ئۆتۆمبێلی جۆری تۆیۆتا بەئاراستەی ڕێگای سەرەکی گەڕەکی ئاوارەکان ڕۆیشتووە و ئۆتۆمبێلی جۆری لانسەر پێچکردنەوەی ئەنجامداوە بەهۆیەوە ڕووداوەکە ڕوویداوە.
ئاشكراشی كردووە، بریندارەکان لەدایک بووی (١٩٨٩ ، ١٩٨٦، ١٩٨٠)ە، سەرجەمیان گواسترانەوە بۆنەخۆشخانەی فریاکەوتنی شەهید هەژار، بەهۆی سەختی برینەکەیەوە سەرنشینی ئۆتۆمبێلی جۆری لانسەر ڕەوانەی سلێمانی کرا.
جەختیشی كردۆتەوە، لەلایەن تیمی هاتووچۆوە لێکۆڵینەوە لە ڕووداوەکە بەردەوامە، بەمەبەستی زانینی هۆکار و چۆنیەتی ڕووداوەکە.
