لە دوای ڕاگەیاندنی ڕێککەوتنی هەرێمی کوردستان و بەغداد لەسەر مووچە و ڕادەستکردنی داهات، داهاتی هەفتانەی سلێمانی 10 ملیار دینار کەمیکردووە.
بە پێی داتاکانی ماڵپەڕی شەفافیەت کە نووسینگەی قوباد تاڵەبانی سەرپەرشتی دەکات، داهاتی هەفتەی ڕابردووی سلێمانی، بڕی 4 ملیار و 266 ملیۆن و 241 هەزار و 225 دینار بووە.
لە داوای ڕاگەیاندنی ڕێککەوتنی نێوان هەرێمی کوردستان و بەغداد لەسەر مووچە و بڕیاری ڕادەستکردنی داهات بە حکومەتی فیدراڵی، ئاماری داهاتەکانی ماڵپەڕی شەفافیەت ڕووەو دابەزینە، بە جۆرێک کە لە هەفتەی پێش ڕاگەیاندنی ڕێککەوتنەکە داهاتی سلێمانی زیاتر لە 14 ملیار دینار و 941 ملیۆن بووە، بەڵام لە هەفتەی یەکەمی ئەم مانگە بۆ 5 ملیار دینار دابەزی و داهاتی هەفتەی ڕابردووش بووە بە 4 ملیار و 266 ملتۆن دینار.
ڕۆژی چوارشەممەی ڕابردووش وەزارەتی دارایی هەرێمی کوردستان ڕایگەیاند، 51 ملیار و 895 ملیۆن دیناری داهاتی نانەوتی بەشی گەنجینەی فیدراڵی بۆ وەزارەتی دارایی عێراق ناردووە.
