نرخی زێڕ لە بۆرسەی جیهاندیدا ناسەقامیرە و لە بەیانییەوە تا ئێستا بۆ هەر ئۆنسەیەك 50 دۆلار و بە ڕێژەی 1% دابەزینی تۆماركردووە لەكاتێكدا، كە بەهای یەك ئۆنسە لە 3 هەزار دۆلار نزیك دەبووەوە.
دانا وەرتی، خاوەنی زێڕنگەری ئازوورا لە هەولێر بۆ (خەڵك) ڕایگەیاند، زێڕ بەڕێژەی 1% دابەزی و ئێستا نرخی یەك ئۆنسە دابەزیوە بۆ 2892 دۆلار.
ڕاشیگەیاند، بۆ هەر مسقاڵێك زیاتر لە 7 هەزار دینار بەهای دابەزیوە بەجۆرێك بەیانی نرخی یەك مسقاڵی عەیار 21 بە 620 هەزار بوو ئێستا بۆ 613 هەزار دابەزیوە.
ڕوونیشی كردەوە، ئەوە دووەم جارە زێڕ بەگەیشتی بە نزیکی 2945 دۆلار پاشەکشەی خێرا دەکاتەوە، جارێ پێشوو لە 2942ەوە پاشەكشەی كرد تا 2864 و ئێستاش لە 2939 دۆلار تا ئێستا گەیشتووە بە 2892 دۆلار.
دەشڵێت: نرخی یەك مسقاڵ زێڕی عەیار 24 بە 699 هەزارە و عەیاری 21 بە 613 هەزار و عەیاری 18 بە 524 هەزار دینارە.
