سەرۆكایەتی شارەوانی سلێمانی ئاشكرای دەكات، لەگەڵ ستافی كۆمپانیای قەیوان كە جێبەجێكاری پڕۆژەی شەقامی 100 مەترییە كۆبوونەوەتەوە، بۆ دانانی پلانێكی نوێی كاركردن بۆ تەواوكردنی پڕۆژەكە لە كاتی خۆیدا.
سەرۆكایەتی شارەوانی سلێمانی لە ڕاگەیەندراوێكدا ئاماژەی بەوەكردووە، “جەخت لە تەواوكردنی شەقامەكە كرایەوە لە پردی تاسڵوجە تاوەكو یەكتربڕی لەگەڵ شەقامی قەرەداغ بە تەواوی بڕگەكانی رێگاكەوە و تەواوكردنی یەكتربڕەكانی ژمارە (12-13-14-15-16-17) تاوەكو كۆتایی ئەم ساڵ و كردنەوەی ئەو بەشەی شەقامەكە بەڕووی هاووڵاتیاندا”.
ئاماژە بەوەشدراوە، لە كۆبوونەوەكەدا بڕیاریانداوە، كە “كاركردن لە یەكتربڕەكانی (تاسڵوجە ژمارە 11 و 24 سەرچەمی تانجەرۆ) چڕبكرێتەوە”.
لای خۆیەوە كۆمپانیای قەیوان بەڵێنی دا بە پێشكەش كردنی پلانێكی چڕی كاركردن و تەواوكردنی كارەكان لە ماوەی یاسایی پڕۆژەكەدا.
