لیژنەی دەستپاكی پەرلەمانی عێراق رایگەیاند، گفتوگۆیان كردووە لەبارەی گرنگی تەوتین كردنی مووچەی مووچەخۆرانی هەرێم بە شێوەیەك كە مافەكانیان گەرەنتی بكات.
لیژنەی دەستپاكی پەرلەمانی عێراق لە بەیاننامەیەكدا بڵاویكردەوە، لیژنەی دەستپاكی پەرلەمان بە سەرۆكایەتی سەرۆكی لیژنەكە و بە میوانداری بیلال سەباح، بەڕێوەبەری گشتیی بانكی بازرگانی عێراق و عەلی كەریم ئەلفەتلاوی، بەڕێوەبەری گشتیی بانكی رافیدەین، و وەفا شەرحان غانم، بەڕێوەبەری گشتیی بانكی ڕەشید، كۆبوونەوە بۆ تاوتوێكردن و گفتوگۆكردن لەسەر كۆمەڵێك بابەتی دارایی و بانكی.
ئاماژە بەوەشكراوە، گفتوگۆكرا لەسەر ستراتیژی كاكردنی بانكەكان و بابەتی تەوتینی مووچەی مووچەخۆرانی هەرێم و كردنەوەی لقەكانی بانك لە هەرێم.
هاوكات لە كۆبوونەوەكەدا باسیان لە گرنگی پەرەپێدانی پەیوەندی نێوانی هەردوولا كرا بۆ تەوتین كردنی مووچە لەو بانكانە و هەروەها گفتوگۆكرا لەسەر بابەتی قەرز و هەڵسەنگاندنی قەرز لە بانكەكان.
